telecon9 қазанда Ақтауда «Көлденең мониторинг: жаңа мүмкіндіктер» атты OHML конференциясы өтті. Telecon «Қазатомөнеркәсіп» ҰАК» АҚ-мен бірге компаниялар тобында көлденең мониторингті енгізу және ауқымын кеңейту тәжірибесін ұсынды. «Пилоттан компаниялар тобына дейін: бірыңғай салық контурына жол» баяндамасымен «Қазатомөнеркәсіп» ҰАК» АҚ салық департаментінің директоры Ольга Мазурова және Telecon есеп және есептілік бағытының басшысы Гульсая Татикова сөз сөйледі.
«Қазатомөнеркәсіп» компаниялар тобында көлденең мониторинг платформасын енгізу жобасы 2024 жылы корпоративтік орталықтан басталды. Зерттеу кезеңінде Telecon командасы тапсырыс берушімен бірге салық есебі бөлігінде есеп процестері мен IT-ландшафтқа диагностика жүргізді. Жобалау кезеңінде салық есептілігінің көрсеткіштерін ашуға арналған деректер модельдері, сондай-ақ ішкі бақылау жүйесі аясында салық тәуекелдері мен бақылау рәсімдерінің матрицасы әзірленді. Іске асыру кезеңінде әзірленген модельдер негізінде OHML деректер витринасы бапталып, оның есеп жүйесімен интеграциясы ұйымдастырылды.
Корпоративтік орталықтағы жұмыс нәтижесінде салық деректерін ашудың эталондық моделі қалыптасты. Ол бірыңғай әдіснаманы және салық есептілігі көрсеткіштерін бастапқы есеп құжаттарына дейін егжей-тегжейлі ашуды көздейді. Бұл модель шешімді Топ кәсіпорындарына кеңейтудің негізі болды.
Келесі кезең деректер витринасын «АППАК» ЖШС мен «Семизбай-U» ЖШС-ке олардың жер қойнауын пайдалану саласындағы есеп процестерінің ерекшеліктерін ескере отырып тарату болды. Шешім кәсіпорындар пайдаланатын есеп жүйелеріне, SAP және 1С-ке бейімделді. Нәтижесінде Топтың үш кәсіпорны салық есептілігінің тоғыз нысанын қамтитын бірыңғай көлденең мониторинг контурына біріктірілді.
«Әрбір келесі компанияны қосу жаңа жоба емес, баптау болуын көздедік. Ол үшін бірыңғай деректер моделін әзірлеп, әртүрлі есеп жүйелерімен жұмыс істеу мүмкіндігін қарастырдық. Бұл әсіресе IT-ландшафты кәсіпорыннан кәсіпорынға өзгеше болуы мүмкін ірі компаниялар топтары үшін маңызды», — дейді Telecon есеп және есептілік бағытының басшысы Гульсая Татикова.
Жұмыстың жеке бағыты Мемлекеттік кірістер комитетімен өзара іс-қимыл болды. Telecon командасы салық есептілігі көрсеткіштерін ашу мәселелерін талқылауға және көлденең мониторингті реттейтін нормативтік құқықтық актіге ұсыныстар әзірлеуге қатысты.
«Қазатомөнеркәсіп» ҰАК» АҚ салық департаментінің директоры Ольга Мазурова жобаның Топта көлденең мониторингті дамыту үшін маңызын атап өтті:
«Жобаны іске асырудың артықшылықтары компанияның салықтық және қаржылық басқару жүйесінің жетілгендігінің қосымша көрсеткіші болып табылады, бұл оның қаржылық тұрақтылығы мен инвестициялық тартымдылығын арттырады.
Көлденең мониторинг бойынша пилоттық жобаға Топтың бірнеше кәсіпорны қатысқанын ескере отырып, біз көлденең мониторинг платформасын интеграциялау жобасын Топтың басқа кәсіпорындарына кеңейту перспективасы бар Қоғамның міндеті ретінде қарастырдық. Бірінші кезеңде деректер витринасын енгізу ғана емес, Мемлекеттік кірістер комитетімен бірге салық есептілігін ашу және көлденең мониторингті нормативтік реттеу мәселелерін пысықтау маңызды болды. Нәтижесінде бізде Топтың келесі кәсіпорындарын платформаға кезең-кезеңімен қосуға мүмкіндік беретін модель қалыптасты».
OHML конференциясы көлденең мониторингті енгізудің практикалық мәселелері бойынша тәжірибе алмасу мен ашық диалог алаңына айналды. Бизнестің, IT-компаниялардың және мемлекеттік органдардың өзара іс-қимылы табысты тәжірибелерді таратуға және Қазақстанда көлденең мониторингті одан әрі дамытуға ықпал етеді.
